Ortopediya

BEL OG'RIG'IDA MINIMAL INVAZIV DAVOLASH SAMARALI

Kompyuter tomografiya (KT) nazoratidagi impulsli radiochastotali davolash bel umurtqalararo churradan kelib chiqqan o'tkir yoki yarim o'tkir neyro-ildizcha og'rig'i bo'lgan bemorlar uchun samarali (Shimoliy Amerika radiologiya jamiyatining 26-noyabrdan 1-dekabrgacha Chikagoda bo'lib o'tgan yillik yig'ilishida taqdim etilgan tadqiqot ma'lumotlariga ko'ra).

Mutaxassislar oddiy davolashga chidamli o'tkir yoki yarim o'tkir bel neyro-ildizcha og'rig'i bo'lgan 80 ta bemorni davoladilar. Bemorlarga kompyuter tomografiya nazorati ostida simptomatik orqa ildizcha ganglionga yo'naltirilgan zond uchli 22-20 G igna-elektrod yordamida muolaja o'tkazildi. E-impulsli radiochastotalar 10 daqiqa davomida 45 V kuchlanishda yetkazildi.

Natijalar favqulodda yaxshi bo'ldi. Bemorlar og'riqdan xalos bo'lib, kun davomida o'z odatdagi faoliyatlarini qayta tikladilar.

Veyk Forest Tibbiyot maktabi xodimlari odat qilib qo'ymaydigan xavfsiz og'riq qoldiruvchi vositani yaratish ustida ishlamoqda. Bugungi kunda hayvonlarda eksperimental preparat — AT-121 sinovdan o'tkazildi (The Medical Express ma'lumoti). U nafaqat og'riq sezgilarini samarali bartaraf etadi, balki opioid og'riq qoldiruvchilardan voz kechishga ham imkon beradi.
AT-121 ham mu opioid retseptoriga (eng kuchli og'riq qoldiruvchilar shu tarzda ishlaydi), ham notseptin retseptoriga (mu retseptorga ta'sirdan kelib chiqadigan qaramlik va salbiy ta'sirlarni bloklaydi) ta'sir qiladi. Oksikodon va fentanil kabi opioid vositalar faqat mu retseptor bilan ishlaydi va nojo'ya ta'sirlarni — nafas olishni susayishi, qaramlik, og'riqqa sezgirlikning oshishini keltirib chiqaradi.
Eksperiment shuni ko'rsatdiki, AT-121 opioid preparatlar bilan bir xil yengillik bergan, biroq dozasi qo'llanilgan morfindan 100 marta past edi. Shu bilan birga yangi vosita oksikodonga qaramlikni susaytirgan.