Rossiya olimlari buyrak qarishi bilan kurashishga muvaffaq bo'lishdi
MDU xodimlari qarish va uning hujayra jarayonlariga (autofagiya, mitoxondriyalar ishi va oksidlovchi stress) ta'sirini o'rganishdi. Shu bilan birga, yoshga bog'liq buyrak yetishmovchiligini davolashning istiqbolli usullari muhokama qilindi.
MDU xodimlari qarish va uning asosiy hujayraviy jarayonlarga (autofagiya, mitoxondriyalar - "hujayralarning energiya stansiyalari" - ishi va oksidlovchi stress) ta'sirini o'rganib chiqishdi, deb xabar bermoqda "Lenta.RU". Shu bilan birga, yoshga bog'liq buyrak yetishmovchiligini davolashning istiqbolli usullari ham e'lon qilindi. Ma'lumki, autofagiya jarayonida hujayralar o'zining shikastlangan komponentlarini parchalab, qayta ishlaydi. U o'tkir buyrak yetishmovchiligining ma'lum turlarida, sepsis va buyrakning ishemik kasalligida faollashadi. Organizm qarigan sari autofagiya jarayonining samaradorligi pasayadi. Natijada oksidlangan oqsillar va hujayralarning shikastlangan elementlari, jumladan mitoxondriyalar to'planadi. Oqibatda keksa odamlarning buyraklarida nuqsonli oqsillar, lipidlar, nuklein kislotalar va turli hujayraviy organellalar to'planadi. Isbotlanganki: ovqatlanishni cheklash (yengillashtiruvchi-parhez terapiyasi) autofagiya jarayonlarini faollashtiradi va buyrakdagi yoshga bog'liq patologik o'zgarishlarni kamaytiradi. Masalan, bir necha hafta davomida ovqat iste'molini 30-40% ga qisqa muddat kamaytirish buyrakning o'tkir buyrak yetishmovchiligi rivojlanishiga chidamliligini oshirishi mumkin. Aytgancha, kaloriyani kamaytirishni taqlid qiluvchi dorilar ham mavjud (rapamitsin). Bundan tashqari, olimlar mitoxondriyalarga maqsadli yo'naltirilgan terapiyaga umid bog'lamoqda. Ma'lumki, o'tkir buyrak yetishmovchiligida hatto yosh organizm hujayralarida ham mitoxondriyalar kuchli shikastlanadi, qarish o'z-o'zidan mitoxondriyalar ishining buzilishiga olib keladi. Shu nuqtai nazardan, mitoxondriyaga yo'naltirilgan antioksidantlar - mitoxondriyaning spetsifik ROS akseptori (Mito TEMPO), SS-31 peptidlari va MDU da ishlab chiqilgan SkQ guruhi birikmalari yaxshi natijalar ko'rsatdi.
"Novosti Mail.RU" xabariga ko'ra, Abbott Laboratories farmatsevtika kompaniyasi xodimlari 2000-yildan beri birinchi marta OIVning yangi shtammini aniqlashdi. U Kongoning uchta aholisi tanasidan topilgan. U OIV-1 ning eng keng tarqalgan va xavfli M guruhiga (inglizchadan main - "asosiy") tegishli. Shtammga L pastki turi berildi. Olimlarning so'zlariga ko'ra, bu kashfiyot virusning qanday rivojlanib, tarqalganini tushunishga yordam beradi. OITS profilaktikasi va unga qarshi kurash bo'yicha Federal ilmiy-uslubiy markazi rahbari, RFA akademigi Vadim Pokrovskiy OIVga qarshi vaksina ishlab chiquvchilar virusning faqat bittasiga emas, balki barcha mumkin bo'lgan pastki turlarini hisobga olishlari kerak deb hisoblaydi. Shu bilan birga, uning so'zlariga ko'ra, vaksinalarni yaratishda bu kashfiyotni e'tiborga olish kerak. Har holda, maksimal darajada universal vaksina talab qilinadi, chunki bir necha yildan keyin boshqa pastki tur kelishi mumkin. "OIVning yangi shtammlari va pastki turlarini kashf etishda hayratlanarli hech narsa yo'q, chunki virus o'zgarishi mumkin. Afrikada ko'plab shtammlar mavjud va turli mamlakatlarga turlilari tushgan, masalan, Rossiyada eng keng tarqalgani A shtammi", - deydi Pokrovskiy.