Mutaxassislar oq go'sht zararini isbotladi
Kaliforniya universiteti: oq go'sht (tovuq, kurka) xolesterin darajasini qizil go'shtdek oshiradi — har ikkala tur ham past zichlikdagi lipoproteinlar miqdorini ko'taradi.
Kaliforniya universiteti: oq go'sht (tovuq, kurka) xolesterin darajasini qizil go'shtdek oshiradi — har ikkala tur ham past zichlikdagi lipoproteinlar miqdorini ko'taradi.
Tovuq va boshqa oq go'sht qizil go'sht (cho'chqa, mol, qo'y) kabi zararli bo'lishi mumkin. Yaqin vaqtgacha faqat to'yingan yog'larga boy qizil go'shtgina xolesterin (past zichlikdagi lipoproteinlar) darajasini oshirib, erta o'limga olib keladi deb hisoblanardi.
Qizil go'sht hatto Xalqaro saraton tadqiqotlari agentligi tomonidan potentsial kanserogenlar guruhiga kiritilgan edi. Endi esa Kaliforniya universiteti isbotladiki: oq go'shtdan ham ehtiyot bo'lish kerak — u ham xolesterin darajasini oshiradi. 21-65 yoshli 113 kishi ishtirokida tajriba o'tkazildi.
Ko'ngillilar tasodifiy tartibda ikki guruhga bo'lindi. Birinchisi to'yingan yog'lar darajasi yuqori mahsulotlar bilan, ikkinchisi esa to'yingan yog'lar darajasi past mahsulotlar bilan oziqlandi. Tajriba ishtirokchilari qizil go'sht (asosan mol va cho'chqa), oq go'sht (asosan tovuq va kurka) iste'mol qildilar, shuningdek go'shtdan voz kechishni ham mashq qildilar.
Ma'lum bo'ldiki, to'yingan yog'larni faol iste'mol qilish qondagi past zichlikdagi lipoproteinlarning yirik zarrachalari kontsentratsiyasini oshirgan. Bu zarrachalar yog'larni, jumladan xolesterinni tashish uchun zarur. Kichik o'lchamli zarrachalar ham mavjud bo'lib, ular ko'pincha oziq moddalarni tashish bilan bog'lanadi. Go'shtning har ikkala turi yirik zarrachalar darajasini oshirgan.
Qabulga yoziling — qulay vaqtni tanlaymiz.