Osh tuziga xavfsiz muqobil topildi
Vashington universiteti: 78% natriy xlorid va 22% kalsiy xlorid aralashmasi tuz ta’miga ega — osh tuziga xavfsiz muqobil.
Vashington universiteti: 78% natriy xlorid va 22% kalsiy xlorid aralashmasi tuz ta’miga ega — osh tuziga xavfsiz muqobil.
Tuzi kam mahsulotlar foydali bo‘lishi mumkin, lekin unchalik mazali emas. Endi hammasi o‘zgarishi mumkin. Olimlar ma’lum qilishicha, ularga haqiqiy tuz qo‘shmasdan sho‘r ta’mni saqlab qolish usulini topishga muvaffaq bo‘lishgan. Tajriba ko‘rsatganidek, yangi texnologiya bo‘yicha tayyorlangan mahsulotlar ko‘ngillilarga yoqimli ta’mi bilan ajralib turardi.
Standart tuzni almashtiruvchi yangi aralashma deyarli to‘rtdan bir qismi kalsiy xloriddan iborat. Uni Vashington universitetidan professor Karolin Ross yaratdi va sinovdan o‘tkazdi. Ishi davomida u hamkasblari bilan birga natriy xlorid (osh tuzining asosiy tarkibiy qismi) miqdori kamaytirilgan ideal aralashmani izladi.
Tahlilga oziq-ovqat sanoatida allaqachon qo‘llanilayotgan aralashmalar ham kiritildi. Ular orasida kalsiy xlorid va kaliy xlorid bo‘lgan aralashmalar bor edi. Oxirgisi muntazam iste’mol qilinganda qon bosimini pasaytirishga imkon beradi, lekin yoqimsiz ta’mga ega (achchiq).
Ross qaysi aralashma yoqimli ta’mga ega ekanligini bilish uchun ko‘ngilli-degustatorlar guruhini to‘pladi (suv va pomidor sho‘rvasini tuzladilar). Natijada degustatorlarga 78% natriy xlorid va 22% kalsiy xloriddan iborat aralashma yoqdi. Ta’mi jihatidan aralashma 100% natriy xloriddan deyarli farq qilmadi. Kaliy xlorid esa hatto kichik konsentratsiyada ham aralashmaning ta’m sifatini darhol pasaytirdi.
Qabulga yoziling — qulay vaqtni tanlaymiz.