Oksitotsinni bloklovchi kligosiban eyakulyatsiya muddatini 3,8 baravar uzaytiradi — 88 erkak ustida sinab koʻrildi, kengaytirilgan tekshiruv 200 ta volontyorda davom etmoqda.
Bu xavfsiz va samarali yondashuv. Hozir vositani 200 dan ortiq erkak oʻzida sinab koʻrishi kerak. Shuningdek, preparat 88 volontyor ishtirokida boshlangʻich sinovlardan oʻtgan. Ular har kuni preparat yoki platsebo qabul qilishgan. Maʼlum boʻlishicha, olti haftalik tadqiqot boshida oʻrtacha eyakulyatsiya vaqti 33 soniyani tashkil etgan. Preparat qabul qilish hisobiga davomiylik 3,8 baravar oshgan (bu platsebo qabul qilgan guruhga nisbatan deyarli ikki baravar koʻp).
Maʼlumki, sinovdan oʻtkazilayotgan kligosiban oksitotsin antagonisti hisoblanadi. Yaʼni u oksitotsinni tanadagi hujayralar bilan bogʻlanishiga yoʻl qoʻymaydi. Goya shundan iboratki, agar gormonning taʼsiri bloklansa, eyakulyatsiya lahzasini kechiktirish mumkin. Oksitotsin gipotalamusda, miyaning xatti-harakatda kalit rol oʻynaydigan sohasida ishlab chiqariladi. U onaning bolaga boʻlgan mehrini keltirib chiqaradi, laktatsiya paytida ajraladi, empatiya, saxiylik va orgazm ortida turadi.
Mutaxassislarning soʻzlariga koʻra, erkaklarda qoʻzgʻalish va jinsiy stimulyatsiya paytida oksitotsin darajasi koʻtariladi. Avval anorgazmiyali (orgazmga erishish qobiliyati yoʻq) erkaklar oksitotsinli burun spreyi yordamida muvaffaqiyatli davolangan. Kligosiban esa bosh va orqa miyada joylashgan oksitotsin retseptorlariga ega hujayralarga taʼsir koʻrsatadi va qondagi gormonning umumiy darajasini pasaytiradi.
Qabulga yoziling — qulay vaqtni tanlaymiz.