Aknega qarshi vosita qon tomirlari uchun foydali ekanligini isbotladi
Kembrij va London Qirollik kolleji: minotsiklin (aknega qarshi antibiotik) PARP enzimini bloklaydi va aterosklerozda qon tomirlari elastikligini saqlaydi.
Kembrij va London Qirollik kolleji: minotsiklin (aknega qarshi antibiotik) PARP enzimini bloklaydi va aterosklerozda qon tomirlari elastikligini saqlaydi.
Ushbu vosita qon tomirlarining elastikligini saqlash hisobiga yurak xurujlari va insultdan asraydi. Gap tomir devorini qattiqlashtiruvchi va tomir lyumenini toraytiruvchi kaltsiy cho‘kindilari sabab kelib chiqadigan ateroskleroz rivojlanishi xavfini kamaytirish haqida bormoqda.
Minotsiklin (aknega tayinlanadigan antibiotik) kaltsiy to‘planadigan yo‘lni bloklaydi. U ateroskleroziga qarshi samaradorligini kemiruvchilarda isbotladi. Aterosklerozni Kembrij universiteti va London Qirollik kolleji xodimlari o‘rgandi.
Avvalroq PARP enzimi hujayralarda DNK ni tiklash bilan bog‘liq ekani aniqlangan edi. Lekin bu enzim hujayralardan tashqarida ham ishlashi mumkin va suyaklarning qattiqligini ta’minlashda muhim rol o‘ynaydi. Ushbu fakt olimlarni enzim va qon tomirlari biomineralizatsiyasi o‘rtasidagi mumkin bo‘lgan bog‘liqlik haqidagi g‘oyaga olib keldi. So‘nggi tadqiqot doirasida olimlar shuni aniqladilar: PARP enzimlari kaltsiy ionlariga birikadi va ulardan yirikroq elementlar shakllanishiga ko‘maklashadi. Bu elementlar qon tomirlari devorlari ichida devorni elastik qiluvchi moddalar bilan birikadi.
Natijada kaltsiy elementlari qattiq kristallarga aylanadi va aynan ular qon tomirlari devorlarining elastikligini pasaytiradi. Olimlar PARP enzimlari faolligini sekinlashtira oladigan oltita molekulani aniqladilar. Va ular orasida eski vosita — minotsiklin ham bor edi. U ateroskleroz bilan bog‘liq surunkali yurak kasalligi bo‘lgan kemiruvchilarda muvaffaqiyatli sinovdan o‘tkazildi — hayvonlarning qon tomirlari elastik holatda qoldi.
Qabulga yoziling — qulay vaqtni tanlaymiz.