Burun uchun g'ayrioddiy sprey xotira va fikrlash qobiliyatini yaxshilaydi
Yel tibbiyot maktabi: insulinli burun spreyi semizlikka chalingan o'smirlarda xotirani yaxshilaydi va miya prefrontal kortikida bog'lanishlarni kuchaytiradi.
Yel tibbiyot maktabi: insulinli burun spreyi semizlikka chalingan o'smirlarda xotirani yaxshilaydi va miya prefrontal kortikida bog'lanishlarni kuchaytiradi.
Insulinli burun spreyi semizlik va prediabetga chalingan o'smirlarda kognitiv ko'rsatkichlarni yaxshilashi mumkin. Odatda insulin diabetiklarda qondagi shakar darajasi va metabolizmni boshqarish uchun ishlatiladi. Lekin sprey gormonni to'g'ridan-to'g'ri miyaga yetkazib berishga imkon yaratadi, xotirani mustahkamlaydi va kognitiv ko'rsatkichlar uchun javobgar miya zonalari o'rtasidagi bog'lanishni yaxshilaydi.
Spreyning foydasi haqida Yel tibbiyot maktabi xodimlari ma'lum qilishdi. Ularning so'zlariga ko'ra, semizlik xotiraga salbiy ta'sir ko'rsatadi. Insulin esa miyadagi o'zgarishlarni ortga qaytarishi mumkin. Ilgari o'tkazilgan tadqiqotlar insulinning miyaga kirib borishi, xotira va ishtaha uchun muhim bo'lgan zonalarga ta'sir qilishini isbotlagan edi.
Olimlar tana massasi indeksi yuqori bo'lgan o'smirlarni jalb qilishdi. O'smirlar ikki guruhga bo'lindi: birinchisi intranazal yo'l bilan insulin oldi, ikkinchisi esa platsebo. Ma'lum bo'ldiki, asosiy guruh xotira topshiriqlarini yaxshiroq bajardi. Bundan tashqari, miyani skanerlash dorsolateral prefrontal korteksning chap va o'ng tomonlari o'rtasidagi bog'lanish kuchayganini ko'rsatdi. Bu miya sohalari ishchi xotira, fikrlash va kognitiv egiluvchanlikda (ikkita turli tushuncha haqidagi fikrlar o'rtasida o'tish qobiliyati) muhim rol o'ynaydi.
Qabulga yoziling — qulay vaqtni tanlaymiz.