Braziliyalik olimlar: 65 yoshdan oshganlar ustidan 6 yillik kuzatuv natijalari — o‘rtacha og‘irlikdagi kuch mashqlari umrni uzaytiradi, katta og‘irliklar esa o‘lim xavfini 13% ga oshiradi.
Ma’lumki, yosh ulg‘aygan sari inson mushaklari zaiflashadi. Mushak zaifligi 40 yoshdan oshgan shaxslarda o‘lim bilan bir necha bor bog‘langan. Biroq kuch mashg‘ulotlari (og‘irliklar bilan) bilan shug‘ullanadigan keksa odamlar boshqalardan uzoqroq yashashlari kuzatuvlar natijasida aniqlandi. To‘g‘ri, ularga katta ish og‘irligiga intilish tavsiya etilmaydi — mo‘‘tadillik va mashqlarning nisbatan yuqori tezligi muhimdir.
Braziliyalik olimlar 40–85 yoshdagi 4000 nafar kishining holatini olti yil davomida kuzatishdi. Ular har bir ishtirokchining qat’iy belgilangan vaqt ichida og‘irlikni (u asta-sekin oshib bordi) necha marta ko‘tara olishini baholadilar. Mushak kuchini sinash uchun quyidagi mashq tanlandi: dastlabki holat — og‘irlik to‘g‘ri qo‘llarda son sathida ushlanadi. So‘ngra «tortish» shakliga o‘xshash harakat bajariladi — og‘irlik yelka kamariga qadar ko‘tariladi, yuqoriga tortiladi (tirsaklar tashqariga qaragan holatda).
Bir necha yildan keyin qayta tekshiruv o‘tkazilganida, erkaklarning 10% va ayollarning 75% vafot etgani ma’lum bo‘ldi. Va shu narsa aniqlandi: og‘irlikni ko‘tarish oson kechgan odamlar kamroq o‘lgan. Biroq olimlar haqiqatan ham katta og‘irliklarni ko‘tarish o‘lim xavfini 13% ga oshirishi haqida ogohlantiradilar. Mutaxassislar barcha mushak guruhlariga mo‘ljallangan mashqlarni tanlab, mo‘‘tadil og‘irliklardan foydalanishni tavsiya etadilar (3 podxoddan iborat 6–8 takrorlash, lekin bajarish tezligi maksimal bo‘lishi kerak).
Qabulga yoziling — qulay vaqtni tanlaymiz.