Shimoliy Karolina universiteti: sukraloza yog'da eriydigan, to'qimalarda saqlanib qoladigan metabolitlar hosil qiladi va ichakdagi foydali bakteriyalar miqdorini kamaytiradi.
U xavfsiz hisoblanadi va tana to'qimalarida saqlanib qolmaydi, deb taxmin qilinardi. Biroq Shimoliy Karolina universitetining so'nggi tadqiqotlari buning aksini ko'rsatmoqda. U kamida ikkita yog'da eriydigan birikma hosil qilib qayta ishlanadi.
Bu kalamushlar bilan o'tkazilgan tajriba doirasida aniqlandi. Hayvonlarga 40 kun davomida har kuni har bir kilogramm vazn uchun 80,4 milligramm dozada sukraloza berildi. Bu vaqt ichida tahlil uchun siydik va najas namunalari yig'ib olindi. Ular tahlili nafaqat 40 kun, balki keyingi ikki hafta davomida ham olib borildi. Tajriba oxirida tahlil uchun yog' to'qimasi namunalari ham olindi.
Ma'lum bo'lishicha, sukraloza metabolitlari shakar o'rnini bosuvchi modda iste'mol qilish to'xtatilgandan 11 kun keyin va sukralozaning o'zi izlari tanada qayd etilmay qolganidan olti kun o'tib siydikda aniqlandi. Metabolitlar yog'da oson eriydigan asetilirlangan birikmalarga tegishli edi. Bu degani — ular tanada saqlanib qolish ehtimoli yuqori.
Bundan tashqari, tadqiqot davomida sukralozaning o'zi uni qabul qilish tugaganidan ikki hafta keyin ham yog' to'qimasida topildi. Ya'ni shirinlashtiruvchi modda tanada uzoq vaqt qolishi, ko'krak suti orqali bolaga o'tishi mumkin. Shuningdek, sukraloza ichakdagi foydali bakteriyalarni kamaytirishi haqida ham asoslar mavjud.
Qabulga yoziling — qulay vaqtni tanlaymiz.